Ang Kahulugan At Katuturan Ng Pagsulat 1g6u1y

ANG KAHULUGAN AT KATUTURAN NG PAGSULAT

Kahulugan ng Pagsulat • Ang pagsulat ay pagsasalin sa papel o sa anumang kasangkapang ng mga nabuong salita ng isang tao o mga tao sa layuning maipahayag ang kaniyang sarili. • Isang paraan ng pagpapahayag ng mag saloobin, damdamin at kaalaman ang pagsulat katulad ng pagsasalita. Sa apat na makrong kasanayang pangwika (pakikinig, pagsasalita, pagbasa at pagsulat)

Kahalagahan ng Pagsulat Ayon kay Arrogante (2000) ang mga kahalagahan ng pagsulat:

a. Kahalagahang Panterapyutika Ang taong may kahinaan sa pagsasalita ay mahilig sumulat para mailabas lamang ang nasa kalooban may babasa man o wala.

b. Kahalagahang Pansosyal Ginagamit ng tao ang pagsulat upang mailabas ang mga nararamdaman nila nang tahimik.

c. Kahalagahang Pang-ekonomiya Ang tao’y sumusulat dahil kailangan para siya’y mabuhay, sa madaling salita ito’y nagiging kanyang hanapbuhay.

d. Kahalagahang Pangkasaysayan Ang panulat ay mahalaga sa pagreserba ng ating kasaysayang pambansa at ang mga naisasatitik ay nagsisilbing dokumento para sa mga sumusunod na henerasyon.

Iba pang mga kahalagahan ng pagsusulat: • Paglalabas ng saloobin sa mga isyu ng lipunan • Pagbabahagi ng impormasyon • Makakalikha ng mga papel-pananaliksik • Makapagbibigay ng ulat

LIGTAS TIPS • Gumamit ng tamang format • Ipahayag ang sarili nang buo • Gamitin ang pagsulat sa mabuting paraan • Maglaan ng sapat na oras • Siguraduhin mapupukaw ang atensyon ng mga magbabasa